ప్రాపంచీకరణ పరుగులో పరిగెడుతున్న ఓ స్నేహితుడా !
పలకరింపులకు హస్తభాషణాన్ని ఆభరణంగా మార్చుకున్న ఓ పౌరుడా !
మరచిపోయావా
వర్షంలో ఆవరణలో కూర్చోని ఆస్వాదించిన తేనీరుని,
పాలబుగ్గల పసిపాప చిన్ని పాదాలను ముద్దాడినపుడు పులకరించిన మనసుని ,
తొలకరి జల్లులో , నీవాడిన అట స్ఠలం తడిసినపుడు వచ్చే మట్టి వాసనను ,
బడికెళ్ళే దారిలో నీవిసిరిన రాళ్ళకు పడిన రాగిపళ్ళ లెక్కను ,
బల్ల కట్టు పై నిల్చుని రెండు ప్రపంచాల మధ్య గా , నీ జీవితం లా సాగిపొయే గోదావరి అలలను ,
ప్రేయసి పలకరింపుల కోసం క్షణాలను యుగాలుగా గడిపిన చిన్ని క్షణాలను .
భాధల భారం మోయలేకున్నప్పుడు అమ్మ ఇచ్చిన ఓదార్పును ...
మరచిపొవద్దు మిత్రమా!
మనిషిగా బ్రతుకుతున్నామని ....మర మనిషా ఇంకా మారలేదని .
No comments:
Post a Comment